හැත්තෑ වසරක් දිවි මග ආවා
හතලිස් වසරක් ලොකු පුතු වුවා
මතු මතු බවයෙත් ඔබේම පුතු වේවා..
දුනුකෙයියා මලක් වගේ දුරට පෙනෙනවා
වැටකෙයියා මලක් වගේ සුවඳ දැනෙනවා
පසළොස්වක සඳ වාගේ එළිය ගෙනෙනවා
මගෙ අම්මා මට ජීවන සුවය සදනවා ...........
සංසාරෙන් සංසාරෙට එකට ආ බැදී
කෙනෙක්‌ නොමැත දරුවෙකු හට මවක් සේ ලැදි
අම්මා යන සමාධියට සිටිමි සම වැදී
ඔබේ ගුණ කීමට හෝඩියේ අකුරු මට මදි
සිවු බුදුවරු දුටු ලෙස එක දිනයක පිම්මේ
ඔබ දුටුවම මගෙ දුක්ගිනි නිමෙනවා අම්මේ
සක්විති රජවරුනගේ දණ ඔබ ලග නැම්මේ
සිරිමා බෝ මුල මතු දින බුදුවෙනු අම්මේ............
No comments:
Post a Comment